قول يا قلم قول..قول يا قلم قول..قول يا قلم..إياك تخاف لحظة ندم..وأصرخ ولم الناس.....وافتح لنا الكراس..صفحة قصاد عينا..نقرا ضمايرنا..قول قول..قول يا قلم قول..
إجعل كلامى أنامل..تمسح جبين العرقانين..وإزرع سطورى سنابل تطرح ف أرض الفلاحين..وأبدر حروفى قنابل. تصبح حصاد الجبارين..وأصرخ ولم الناس.وافتح لنا الكراس..صفحة قصاد عينا..نقرا ضمايرنا..قول قول.. قول يا قلم قول..
عدِّى من الأبواب..أكيد هناك أحباب..هتلاقى ف الأصحاب كتير أغراب..خدهم معاك للنور..خدهم وعدّى بحور..وأصرخ ولم الناس.. وافتح لنا الكراس..صفحة قصاد عينا..نقرا ضمايرناقول.. قول قول.. يا قلم قول..
لون وشوش الناس بلون النيل..وإجعل فى صوت الفاس غنا ومواويل..وافتح عيون الفجر ماتشوفش تانى ليل..وأصرخ ولم الناس.. افتح لنا الكراس صفحة قصادعينا..نقرا ضمايرناإياك تخاف لحظة ندم..قول قول.. قول يا قلم قول
Subscribe to:
Post Comments (Atom)
No comments:
Post a Comment